“Barselona”nın idman direktoru Deku mərkəz hücumçusu Robert Levandovskini necə əvəz edə biləcəkləri ilə bağlı sualı cavablandırıb.
Publika.az xəbər verir ki, Deku vurğulayıb ki, kataloniyalılar bunu daxili ehtiyatlarının köməyi ilə həll edə bilərlər. Polşalı forvardın 36 yaşı var və onun “Barselona” ilə müqaviləsi 2026-cı ilin yayına qədərdir.
“Bizim bunun öhdəsindən gələ biləcək oyunçularımız var. Məsələn, Ferran, Dani Olmo – onlar “yalançı doqquzluq” mövqeyində oynamağa qadirdirlər. Deməli, Robertin itkisinin öhdəsindən gələ biləcəyimiz daxili ehtiyatlarımız var. Amma yadda saxlamaq lazımdır ki, bu gün yalnız bir komanda dəqiq müəyyən edilmiş mərkəz hücumçusundan istifadə edir – “İnter”. “Arsenal”da bu yoxdur, PSG-də də”, – Deku deyib.
