Bir həftə ərzində Ukrayna Ali Radası ABŞ-la mineral ehtiyatlara dair sazişi ratifikasiya etməyi planlaşdırır.
NOCOMMENT.az xəbər verir ki, bu barədə Sky News Amerika administrasiyasının nümayəndəsinə istinadən məlumat yayıb.
Rəsmi bildirib ki, sazişin hər üç hissəsi çərşənbə günü imzalanıb. O, həmçinin qeyd edib ki, qonorarın yarısı Ukraynanın təbii sərvətləri ilə bağlı yeni layihələrdən gələcək və yalnız nadir torpaq metalları ilə məhdudlaşmayacaq.
Aprelin 30-da Vaşinqton və Kiyev nadir torpaq metallarına dair saziş imzalayıblar. Sənəd hasilat sənayesində birgə layihələrin həyata keçirilməsi üçün İnvestisiya Fondunun yaradılmasını nəzərdə tutur. Eyni zamanda, Ukrayna yerin təki üzərində nəzarəti saxlayacaq və sövdələşmə çərçivəsində əldə edilən gəlir onun bərpasına yönəldiləcək.
