Millimiz Belarusa qalib gəldi

Bakıda təlim-məşq toplanışında olan 16 yaşadək futbolçulardan ibarət millimiz ilk yoxlama görüşünü keçirib.

"Football-plus.az" xəbər verir ki, U-16 Belarusun müvafiq yaş qrupundan ibarət yığması ilə qarşılaşıb.

Binə stadionunda təşkil olunan oyun millimizin 2:1 hesablı qələbəsi ilə yekunlaşıb. Komandamızın heyətində qolları 44-cü dəqiqədə Ömər Kosayev və 59-cu dəqiqədə Ruslan Quliyev vurublar.

Qeyd edək ki, komandalar mayın 11-də ikinci yoxlama görüşündə üz-üzə gələcəklər. Oyun saat 16.00-da Binə stadionunda baş tutacaq.