Fransa Fransa Qvianasında narkotik alverçiləri və radikal islamçılar üçün yüksək mühafizə olunan yeni həbsxana tikməyi planlaşdırır. BBC xəbər verir ki, bu barədə ədliyyə naziri Cerald Darmanen bu regiona səfəri zamanı bildirib.
Fransa qəzetinə müsahibəsində nazir qeyd edib ki, yeni həbsxana narkotik tədarükü zəncirinin “bütün səviyyələrində” mütəşəkkil cinayətkarlıqla mübarizəyə yönəldiləcək.
Dəyəri 400 milyon avro olan obyekt Amazon cəngəlliklərinin dərinliklərində, bölgənin şimal-qərb hissəsində - Saint-Laurent-du-Maronda təcrid olunmuş ərazidə tikiləcək. Həbsxananın artıq 2028-ci ildə ilk məhbusları qəbul edə biləcəyi gözlənilir.
Layihə cinayətkar dəstələrlə bağlı bir sıra zorakılıq hadisələri fonunda elan edilib, nəticədə Fransa həbsxanalarına və onların əməkdaşlarına hücum edilib. Yeni müəssisə 500-ə qədər məhbus üçün nəzərdə tutulub. Ən təhlükəli cinayətkarlar üçün ayrıca blok olacaq.
Darmanenin sözlərinə görə, həbsxana "ən təhlükəli narkotik alverçilərini zərərsizləşdirmək" məqsədi daşıyan "müstəsna ciddi həbs rejimi" çərçivəsində fəaliyyət göstərəcək. Darmanenin fikrincə, bölgənin kontinental Fransadan uzaqda olması məhbusların tam təcrid olunmasını təmin edəcək.
Nazir qeyd edib ki, narkobaronlar artıq öz cinayət şəbəkələri ilə əlaqə saxlaya bilməyəcəklər.
