Ukraynanın paytaxtında hepatit epidemiyası qeydə alınıb. Artıq 19-u uşaq olmaqla 33 xəstəliyə yoluxma halı qeydə alınıb.
NOCOMMENT.az bildirir ki, Ukrayna İctimai Sağlamlıq Mərkəzinin verdiyi açıqlamada Kiyevdə hepatit A xəstəliyinin yayıldığını bildirib. Bu günə olan məlumata görə, 15-i uşaq olmaqla 25 nəfər xəstəxanaya yerləşdirilib.
“Epidemioloji araşdırmalar davam etdirilir, infeksiyanın yayılmasına səbəb olan amillər və mümkün infeksiya mənbəyi müəyyən edilir. Fəaliyyət sahələri üzrə bütün məsul şöbələr buna cəlb olunub” – deyə İctimai Səhiyyə Mərkəzindən bildirilib.
Hepatit A, çirklənmiş qida və ya su istehlakı ilə ötürülən qaraciyərin kəskin yoluxucu xəstəliyidir. Virus 5 dəqiqə qaynanmış suda ölür. Quru mühitdə otaq temperaturunda bir həftə, suda – 3 aydan 10 aya qədər, nəcisdə – 30 günə qədər bütöv qalır.
Virusun inkubasiya dövrü adətən 14-28 gün davam edir. Ümumi simptomlara aşağıdakılar daxildir:
ümumi zəiflik və yorğunluq;
bədən istiliyində artım;
iştahsızlıq;
ishal;
qusma;
qarın içərisində narahatlıq;
sağ hipokondriyumda ağırlıq;
sidiyin qaralması (qəhvəyi rəngə qədər);
skleranın və dərinin saralması.\\ Sfera.az
