ABŞ prezidenti Donald Tramp ölkə üzrə reseptlə satılan dərmanların qiymətini 30-80% azaldacaq sərəncam imzalamaq niyyətində olduğunu açıqlayıb. Vətəninfo.az xəbər verir ki, Ağ Ev rəhbəri bu barədə Truth sosial şəbəkəsində məlumat verib.
O, mayın 12-də səhər saat 9:00-da “ölkə tarixinin ən tarixi fərmanlarından birini” imzalayacağını vurğulayıb.
Tramp bu qərarı “millətin ən yaxşı maraqlarına uyğun” siyasət adlandırıb. Onun sözlərinə görə, bu tədbir ABŞ-da digər ölkələrlə müqayisədə dərmanların ədalətsiz bahalaşmasının aradan qaldırılması məqsədi daşıyır.
Bir gün əvvəl Tramp özünün “Truth” sosial şəbəkəsində yazıb ki, onun növbəti yazısı bütün nəşrləri arasında “ən mühüm və təsirli yazılardan biri” olacaq.
O, çıxışını istifadəçilərə müraciətlə yekunlaşdırıb: “Zövq alın”.
