Azərbaycan Premyer Liqasında XXXIV tura yekun vurulub.
Msport.az xəbər verir ki, sonuncu matçda “Qarabağ” “Araz-Naxçıvan”la üz-üzə gəlib.
Qarşılaşma Ağdam təmsilçisinin qələbəsi ilə bitib – 2:0. 35-ci dəqiqədə Musa Qurbanlı, 59-cu dəqiqədə Aleksey Kaşşuk fərqlənib.
Çempionluğunu təmin etmiş “köhlən atlar” xallarının sayını 83-ə çatdırıb. Naxçıvan klubu 55 xalla 3-cü sıradadır.
Günün ilk matçında “Kəpəz” “Sumqayıt”a qalib gəlib – 1:0.
Qeyd edək ki, turun əvvəlki oyunlarında “Sabah” “Şamaxı”nı 3:1, “Zirə” “Səbail”i 1:0, “Neftçi” isə “Turan Tovuz”u 2:1 hesabı ilə məğlub edib.
