2024-cü il ərzində Rusiyada 21 mindən çox xarici ölkə vətəndaşı müxtəlif cinayətlərə görə məhkum edilib.
Hafta.az-ın “Kommersant”a istinadən yazdığına görə, bu şəxslərin 20151-i Müstəqil Dövlətlər Birliyi ölkələrinin vətəndaşlarıdır. Qalan 987 nəfər başqa ölkələrdən olanlar, 815 nəfər isə vətəndaşlığı olmayan statusa malikdir.
Əcnəbilərin ən çox məhkum edildiyi cinayət oğurluqdur. 2024-cü il ərzində bu cinayətə görə 3700-dən çox şəxs cəzalandırılıb. Ondan sonra narkotiklərin qanunsuz dövriyyəsi (955 nəfər), qətl (182 nəfər), ağır xəsarət (500 nəfər), adam oğurluğu (63 nəfər) və zorlama (181 nəfər) gəlir. 500-ə yaxın adam dələduzluqda, 76 nəfər isə “avaralıq” kimi tanınan xuliqanlıqda təqsirli bilinib. Həmçinin 9 nəfərin terror cinayətlərinə görə mühakimə olunduğu açıqlanıb.
İlin əvvəlindən Rusiyada əcnəbilərin izlənilməsini asanlaşdırmaq üçün “nəzarət olunan şəxslər” adlı rəqəmsal qeydiyyat sistemi istifadəyə verilib. Fevralın 5-də qüvvəyə minən sistem Rusiyada qeyri-qanuni olan əcnəbilərin şəxsiyyət məlumatlarını qeyd edir. Qeydə alınmış şəxslər müxtəlif hüquq və azadlıqlardan məhrum edilirlər. Bu insanlar, məsələn, şirkət qura və ya əmlak ala bilməzlər.
Martın əvvəlinə Rusiya Daxili İşlər Nazirliyi bu rəqəmsal qeydiyyat sisteminə 685 min əcnəbinin adını əlavə edib. Yeni tənzimləmə ölkədə qeyri-qanuni immiqrasiyaya qarşı mübarizədə atılan ən əhatəli addımlardan biri hesab olunur.
