Polşada prezident seçkilərinin birinci turu keçiriləcək.
“Report” xəbər verir ki, qalib gəlmək üçün namizəd seçicilərin mütləq səs çoxluğunu (50% + 1 səs) almalıdır.
İkinci turun iyunun 1-nə keçirilməsi nəzərdə tutulub. Demək olar ki, 29 milyon seçici qeydə alınıb, 32 min seçki məntəqəsi açılacaq. 500 000-dən çox polyak xaricdə 511 seçki məntəqəsində səs verə biləcək.
Polşada seçki məntəqələri mayın 18-də saat 07:00-da (Bakı vaxtı ilə 09:00) açılacaq və 21:00-da (Bakı vaxtı ilə 23:00) bağlanacaq.
Dövlət başçısı postu uğrunda 13 nəfər mübarizə aparır - bu, 1995-ci ildə keçirilən prezident seçkilərində qeydə alınan rekordun təkrarıdır. Onların arasında 6 namizəd partiyasız üzv kimi qeydə alınıb, qalan 7 nəfər isə müxtəlif partiya və birlikləri təmsil edir. Bu bölgü şərtidir, çünki "müstəqil namizəd" Karol Navroçki rəsmi olaraq ana müxalifət partiyası olan Hüquq və Ədalət tərəfindən dəstəklənir və partiyasız üzv kimi qeydə alınmış Maqdalena Biejat Sol partiyanın namizədi olub.
Sorğulara görə, prezidentlik yarışında iştirak edən namizədlərin heç biri ilk turda qalib gəlmək üçün kifayət qədər dəstəyə malik deyil.
"Cebheinfo.az"
