Eyni məktəbin direktor və müəllimi ard-arda öldü - Səbəb də eynidir - FOTO

Sakaryanın Akyazı rayonundakı Madanoğlu ibtidai məktəb iki gün arayla məktəb direktoru və müəllimini itirib. 

Day.Az Milli.Az-a istinadən xəbər verir ki, məktəbin direktoru, 46 yaşlı Bülent Gündüz mayın 12-də xəstəxanada xərçəngdən müalicə olunduğu müddətdə dünyasını dəyişib. 

Bu ağır itkidən sonra eyni məktəbdə Din Mədəniyyəti müəllimi işləyən 34 yaşlı Naime Qalip Yıldırımın da 2 gün sonra vəfat edib. Uzun müddətdir İstanbulda xərçəng xəstəliyinə qarşı mübarizə aparan və iki uşaq anası olan müəllim səylərə baxmayaraq həyatını itirib.

Məktəb rəhbəri və müəllimin ard-arda vəfat etməsi həm məktəb kollektivini, həm də şagirdlər və valideynləri dərindən sarsıdıb.