ABŞ elektrikli avtomobillərə verilən vergi güzəştlərini ləğv etməyi planlaşdırır, bu da qiymətlərin artmasına səbəb ola bilər.
Ölkə.az milli.az-a istinadla xəbər verir ki, ABŞ-də elektrikli avtomobil bazarında Çinlə rəqabət davam edərkən Respublikaçılar elektrikli nəqliyyat vasitələrinə tətbiq edilən 7.500 dollarlıq yeni avtomobil və 4.000 dollarlıq işlənmiş avtomobil vergi kreditlərinin ləğv olunması üçün təklif irəli sürüblər. Təklif qəbul olunarsa bu güzəştlər 2025-ci ilin sonuna qədər qüvvədən düşəcək. Lakin hələ 200 min elektrikli avtomobil satmamış olan istehsalçılar üçün yeni avtomobil krediti bir il daha davam edəcək.
Vergi güzəştlərinin ləğvi alıcıların elektrikli avtomobil almaq imkanlarını azaldacaq və nəticədə bu avtomobillərin qiymətinə dolayısı ilə təsir göstərəcək. ABŞ Xəzinədarlığının 2024-cü ildə elektrikli nəqliyyat vasitələri üçün 2 milyard dollardan çox satış vergisi geri qaytardığı qeyd edilib.
Elektrikli Sürücü Taşımacılığı Dərnəyinin rəhbəri Genevieve Cullen bu təşəbbüsü sərt tənqid edərək bildirib ki, belə bir addım ABŞ-nin enerji innovasiyasında liderlik mövqeyindən imtina etməsi deməkdir və bu, Çin kimi ölkələrə böyük üstünlük verəcək.
