Rusiya Qərb ölkələrinə Çinin zamanın sınağından çıxmış və gücü sübut edilmiş müttəfiq olduğunu nümayiş etdirib.
Publika.az xəbər verir ki, bunu rusiyalı siyasi ekspert Konstantin Bloxin ÇXR rəhbəri Si Cinpinin Qələbə Paradında prezident Vladimir Putinin yanında əyləşməsi ilə bağlı ortaya çıxan sualları cavblandırarkən bildirib.
“Bütün bunlar nümayiş etdirir ki, Çin paradda sadəcə qonaq deyil, o, müttəfiqdir, gücü sınanmış və sınaqdan keçmiş müttəfiq”, - ekspert bildirib.
Onun sözlərinə görə, bu fakt onu deməyə əsas verir ki, Moskva və Pekinə Qərbin bütün təzyiqləri yaxınlaşma üçün stimuldur.
Bundan əlavə, Bloxin əlavə edib ki, hətta Vaşinqton Çinə qarşı ticarət müharibəsi başlatsa da və Rusiya ilə Çin arasında çəpər salmağa çalışsa da, hər iki ölkə bir-birini ahəngdar şəkildə tamamlayır.
