Kürdüstan Fəhlə Partiyası (PKK) fəaliyyətini dayandırmaq qərarına gəldiyini açıqlayıb.
Yenisabah.az Rudaw-a istinadla xəbər verir ki, PKK Konqresinin 12-ci Qurultayında PKK-nın təşkilati strukturlarının ləğvi və silahlı mübarizənin dayandırılması barədə qərar qəbul edilib.
Fevralın sonunda Türkiyədə ömürlük həbs cəzası çəkən PKK-nın qurucusu Abdullah Öcalan qruplaşmanı silahlarını yerə qoymağa və fəaliyyətini dayandırmağa çağırıb.
O qeyd edib ki, təşkilatın ləğvi 20-ci əsrdə - "güclü zorakılıq, iki dünya müharibəsi, real sosializmin yüksəlişi və süqutu, soyuq müharibə və kürd kimliyinin inkarı dövrü" yarandığı üçün zəruri idi. Öcalan hesab edir ki, vəziyyət dəyişib və PKK “ömrünün sonuna çatıb, ona görə də onun ləğvi zəruridir”.
Martın əvvəlində PKK birtərəfli atəşkəs elan edib.
PKK 1978-ci ildə Türkiyədə kürd əhalinin hüquqlarını müdafiə etmək üçün yaradılıb. Türkiyə hakimiyyəti onu terror təşkilatı hesab edir.
Telegram kanalımız
