ABŞ-ın qərb sahilində maqnitudası doqquz baldan çox olan güclü zəlzələ və dağıdıcı sunami baş verə bilər.
Təhlükə Kanadadan Kaliforniyaya uzanan 970 kilometrlik sualtı qırılmada fəaliyyətlə bağlıdır.
Alimlər okeanın dibinin yüksək dəqiqliklə xəritəsini çəkib və tektonik plitələrin kritik təzyiq yaratdığı dörd qırılma seqmentini müəyyən ediblər. Onlar sunami dalğalarının hündürlüyü 30 metrə çata biləcəyini, Oreqonun şimalında, Vaşinqtonda və Cənubi Britaniya Kolumbiyasında geniş dağıntılara səbəb ola biləcəyini təxmin edirlər.
"İqtisadi zərər böyük olacaq və qurbanların sayı minlərlə olacaq. Hətta ucqar ştatlar da suyun çirklənməsindən və kimyəvi tullantılardan əziyyət çəkəcək", - ekspertlər deyiblər.
Mayın 10-da ABŞ-ın Tennessi ştatında 4,1 bal gücündə zəlzələ baş verib. ABŞ Geoloji Xidmətinin (USGS) məlumatına görə, yeraltı təkanlar Atlanta, Qərbi Şimali Karolina və digər ərazilər də daxil olmaqla geniş ərazidə hiss edilib.
