BAKI. 9 may. TELEQRAF
UEFA Avropa Liqasında 2024/2025 mövsümünün finalçıları müəyyənləşib.
Teleqraf xəbər verir ki, mayın 21-də İspaniyanın Bilbao şəhərindəki "San Mames" stadionunda keçiriləcək həlledici oyunda İngiltərənin "Tottenhem" və "Mançester Yunayted" komandaları üz-üzə gələcək.
"Tottenhem" öz meydanında 3:1 hesabı ilə qalib gəldiyi "Budö Qlimt"i Norveçdə də məğlub etməyi bacarıb - 2:0.
"Mançester Yunayted" isə ötən həftə elə "San Mames"də 3:0 hesabı ilə yendiyi "Atletik"i "Old Trafford"da da darmadağın edib - 4:1. Nəticədə iki oyunun yekununda finala yüksələn "qırmızı şeytanlar" avrokubokdakı ardıcıl ikinci oyununu da bu arenada keçiriləcək.
Avropa Liqası
Yarımfinal, cavab oyunu
8 may
23:00. “Mançester Yunayted” (İngiltərə) – “Atletik Bilbao” (İspaniya) - 4:1
Qollar: Meyson Maunt, 72; 90+1. Kazemiro, 80. Rasmus Höylunn, 85 - Mikel Xauregisar, 31
İlk oyun: 3:0
23:00. “Budö Qlimt” (Norveç) – “Tottenhem” (İngiltərə) - 0:2
Qollar: Dominik Solanke, 63. Pedro Porro, 69
İlk oyun: 1:3.
