Türk Hava Yolları bölgədəki vəziyyətlə əlaqədar mayın 8-i və 9-da Pakistana uçuşlar həyata keçirməyəcək.
ONN media xəbər verir ki, bu barədə şirkətdən məlumat verilib.
“Regionda siyasi qeyri-sabitlik səbəbindən mayın 8-i cümə axşamı və 9 may cümə günü İslamabad və Lahora uçuşlarımız ləğv edilib. Nəticədə İstanbul, İslamabad və Lahor arasında hər iki istiqamətdə 6 reys həyata keçirilməyəcək. Bu istiqamətlər üçün mayın 7-dək alınmış biletlər əlavə ödəniş etmədən geri qaytarıla və ya başqa tarixlərə keçirilə bilər”, - məlumatda qeyd olunub.
