"Football-plus.az" xəbər verir ki, bunu "Neftçi" basketbol komandasının məşqçisi Daviti Çivçivadze "Sabah"la oyundan sonra mətbuat xidmətinə açıqlamasında deyib.
O, Azərbaycan Basketbol Liqasının final seriyasının 3-cü matçında qeydə alınan nəticəni belə şərh edib:
"İkinci hissədə səhvlərə yol verdik və "Sabah" hesabdakı fərqi azaltdi. Rəqib elə komandadı ki, səhvləri bağışlamır və cəzalandırır. Üçüncü hissədə müdafiədə və hücumda bəzi dəyişikliklər etdik. Bundan sonra oyunu daha yaxşı hiss etməyə başladıq. Final görüşü olduğu üçün oyunun taleyi son saniyələrdə həll oldu. Əvvəlki iki oyunda son dəqiqələrdə məğlub olmuşduq. Ancaq bu gün qələbə qazanmağa özümüzdə güc tapdıq. Komandamla fəxr edirəm. Növbəti oyuna hazırlaşacağıq və yenə qələbə qazanmağı qarşımıza məqsəd qoyacağıq".
Final seriyasında "Sabah" 2:1 öndədi.
