“Wall Street Journal”ın Cənubi Koreya kəşfiyyatına əsaslanan hesabatına görə, Şimali Koreyadan Rusiyaya təxminən 15 min işçi göndərilib. Xəbərə görə, onların əksəriyyəti tələbə vizası ilə ölkəyə daxil olduqdan sonra xüsusilə Uzaq Şərqdə müxtəlif sənaye obyektlərində işləməyə başlayıb.
Hafta.az-ın yazdığına görə, bu, ölkədə artan işçi qüvvəsi çatışmazlığına cavab olaraq qiymətləndirilsə də, Rusiya işəgötürənlərinin gələcəkdə bu işçiləri Moskva kimi böyük şəhərlərdə işə götürmək istədikləri bildirilir.
Rəsmi məlumatlara görə, 2024-cü ildə Şimali Koreyalı işçilərin sayı əvvəlki illə müqayisədə 12 dəfə artacaq. İşçilərə Rusiya işəgötürənləri tərəfindən üstünlük verilir, çünki onlar uzun saatlar işləməyə hazırdırlar, maaşları azdır və iş şəraitindən şikayət etmirlər.
Şimali Koreya vətəndaşlarının xaricdə işlə təmin olunması BMT Təhlükəsizlik Şurasının Şimali Koreyanın nüvə proqramına qarşı tətbiq etdiyi sanksiyaları pozur. Ancaq Moskva və Pxenyan faktiki olaraq bu qadağaya məhəl qoymur.
