BAKI, 5 may. TELEQRAF
Bakı Slavyan Universitetinin birinci və ikinci tədris binalarının, eləcə də yataqxanasının cari təmiri ilə bağlı elan etdiyi tenderdə növbəti dəfə dəyişiklik edilib.
Teleqraf xəbər verir ki, hər üç düzəlişdə də təkliflərin təqdimedilmə tarixi uzadılıb. İlk elanda təkliflərin təqdim olunması üçün son tarix aprelin 12-si, daha sonra mayın 5-i müəyyən edilsə də, satınalan şirkət müddəti mayın 16-na qədər uzadıb. Zərflərin elə həmin gün açılması planlaşdırılır.
Qeyd edək ki, tenderin dəyəri 1 milyon 842 min 327 manatdır. İştirak haqqı isə 600 manat təşkil edir.
Təkliflərin təqdim olunması üçün ilkin son tarix aprelin 12-si, ikinci düzəlişə əsasən isə mayın 5-i müəyyən edilmişdi. Lakin son dəyişikliklə bu müddət mayın 16-na qədər uzadılıb. Həmin gün təqdim olunan zərflərin açılması da həyata keçiriləcək."
