Amerikalı milyarder, “Microsoft” şirkətinin həmtəsisçisi Bill Qeyts 2045-ci ilə qədər xeyriyyə fondu vasitəsilə 200 milyard dollara yaxın varidatını ianə edəcəyini elan edib.
Xezerxeber.az bu barədə xarici KİV-ə istinadən xəbər verir.
Məlumata görə, 69 yaşlı milyarder bildirib ki, az qala bütün sərvətindən imtina etmək planlarını sürətləndirir və fondunu əvvəlki planlaşdırılan tarixdən illər əvvəl – 2045-ci il dekabrın 31-də bağlayacaq.
Qeytsin sözlərinə görə, bu vəsait poliomielit və malyariya kimi xəstəliklərin aradan qaldırılması, qadınlar və uşaqlar arasında qarşısı alınan ölümlərin sona çatdırılması və qlobal yoxsulluğun azaldılması kimi hədəflərinə çatmağa yardım edəcək.
