Danimarka Mühafizəkar Xalq Partiyasından olan parlament üzvü Rasmus Yarlov ABŞ-nin Qrenlandiyanın paytaxtı Nuukdakı konsulluğunun bağlanması imkanı barədə bəyanat verib.
“Report” TASS-a istinadən xəbər verir ki, bu barədə xarici KİV-lər məlumat yayıb.
"Konsulluğun əsas vəzifəsi Qrenlandiyaya qarşı təxribat fəaliyyəti və Danimarka ilə Qrenlandiya arasındakı münasibətləri pozmaqdan ibarətdir. Bu, bizim üçün maraq kəsb edən bir şey deyil", - o bildirib.
R.Yarlov həmçinin vurğulayıb ki, ABŞ tərəfi Nuukda konsulluğun açılmasına "Qrenlandiya və ABŞ arasında müsbət münasibətlərin inkişafı" üçün razılıq alıb.
