Kişilər arasında təşkil olunmuş Azərbaycan Basketbol Liqasında (ABL) 2024/2025-ci illər mövsümünün final seriyası davam edir.
Arena.az xəbər verir ki, bu gün həlledici seriyanın 3-cü oyunu keçirilib.
İlk iki görüşdə qələbə qazanmış “Sabah” “Neftçi”ni sınağa çəkib. Bakı İdman Sarayında təşkil olunmuş görüş qonaq komandanın qələbəsi ilə yekunlaşıb. “Ağ-qaralar” birinci periodda əldə etdikləri 17 xallıq üstünlüyü sonadək qoruyublar. “Neftçi” 3 xal fərqi ilə qalib gəlib.
Növbəti oyun iki gün sonra keçiriləcək.
Qeyd edək ki, final seriyası 4 qələbəyədək davam edəcək.
Azərbaycan Basketbol Liqası
Finalın 3-cü oyunu
6 may
“Sabah” – “Neftçi” 76:79 (9:26, 32:16, 19:20, 16:17)
Bakı İdman Sarayı.
Seriyada hesab – 2:1.
