Bizimyol portalından əldə olunan məlumata əsasən, ain.az xəbər verir.
ABŞ prezidenti Donald Tramp iki həftə ərzində dərmanlara gömrük rüsumlarını açıqlayacağını açıqlayıb.
Bizimyol.info "trthaber"ə istinadən xəbər verir ki, Trump reseptlə satılan dərmanların yerli istehsalın yenidən qurulmasını asanlaşdırmaq üçün fərman imzalayıb.
Oval Ofisdə imzalanma mərasimində mətbuat mənsublarının suallarını cavablandıran Tramp, dərmanlara tətbiq edilən tariflərin vaxtı və dərəcələri ilə bağlı suala: "Önümüzdəki iki həftə ərzində açıqlayacağam", - deyib.
Alüminium, polad və avtomobil kimi məhsullara sektoral tariflər açıqlayan Tramp, keçən ay dərman sektoruna da "əsas" tariflərin tətbiq ediləcəyini bildirmişdi.
Tramp qeyd edib ki, bu, digər ölkələrdəki əczaçılıq şirkətlərinə öz obyektlərini ABŞ-a köçürməyə imkan verəcək. "Bunu eşidəndə Çini tərk edəcəklər. Satmalı olduqları üçün başqa yerləri tərk edəcəklər. Onların məhsullarının çoxu burada satılır”, - deyə o bildirib.
Tramp, şirkətlərin ABŞ-da istehsal etdikləri təqdirdə tariflərlə üzləşməyəcəyini bildirmişdi.
Keçən ay əczaçılıq şirkəti Novartis, növbəti 5 il ərzində 23 milyard dollarlıq investisiya ilə ABŞ-da istehsal və Ar-Ge fəaliyyətini genişləndirməyi planlaşdırdığını açıqlayıb.
İsveçrədə yerləşən "Roche" əczaçılıq şirkəti qarşıdakı beş il ərzində ABŞ-da əczaçılıq və diaqnostika sahəsinə 50 milyard dollar sərmayə qoyacağını açıqlayıb.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
