Xəbər verdiyimiz kimi, Bakı-Qazax yolunun Göygöl rayonu, Yeni Qızılca kəndi ərazisindən keçən hissəsində bir nəfərin ölümü nəticələnən yol nəqliyyat hadisəsi zamanı avtomobildə olan sərnişin, 2002-ci il təvəllüdlü Əli Süleymanov müxtəlif dərəcəli bədən xəsarətləri alaraq xəstəxanaya yerləşdirilib.
Gəncə Şəhər Birləşmiş Xəstəxanasından Bizim.Media-nın yerli bürosuna verilən məlumata görə, 20.04.2025-ci il tarixində saat 23:00 radələrində 2002-ci il təvəllüdlü şəxs (kişi cinsli) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub:
“Bud sümüyünün sınığı diaqnozu təyin edilən şəxsə zəruri tibbi xidmətlər göstərilib.
Hazırda Travmatologiya şöbəsində müalicəsi davam etdirilir, vəziyyəti orta ağırdır” deyə məlumatda bildirilir.
Məqsəd Rəhimov, Bizim.Media, Qərb Bürosu
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
