"Tottenhem"in və Argentina millisinin müdafiəçisi Kristian Romero karyera planları barədə danışıb.
90deqiqe.Az xəbər verir ki, futbolçu gələcəkdə La Liqada çıxış etmək istədiyini bildirib:
“La Liqada oynamaq istərdim. Mən bu çempionatın oyunlarına tez-tez baxıram, millidən İspaniyada çıxış edən çoxlu komanda yoldaşlarım var. Mənim üçün bu, oynamaq istədiyim çempionatlardan biridir”.
Romero özünü ən güclü dünya çempionatlarından biri hesab etdiyi La Liqada sınamaq arzusunda olduğunu vurğulayıb.
2024/2025 mövsümündə Romero “Tottenhem”in heyətində 26 matçda iştirak edib, bir qol vurub və iki məhsuldar ötürmə edib. Onun bazar dəyəri təxminən 50 milyon avro qiymətləndirilir.
London klubunda çıxış etdiyi müddətdə Kristian Avropa Liqasının qalibi olub. Argentina milli komandasının tərkibində o, ən böyük uğurlarına imza atdı - dünya çempionu oldu, iki dəfə Amerika kubokunun qalibi oldu və Finalissima turnirinin qalibi olub.
