Bakı, TurkicWorld
Türkiyə 2025-cü ilin aprel ayında Rusiyaya avtomobil ixracını 2024-cü ilin eyni dövrü ilə müqayisədə 47,6 faiz azalaraq, 31 milyon 404 min 56 dollara çatdırıb.
Bu barədə TurkicWorld-a Türkiyə Ticarət Nazirliyindən məlumat verilib.
2025-ci ilin yanvar – aprel aylarında Türkiyədən Rusiyaya avtomobil ixracı ötən ilin eyni dövrü ilə müqayisədə 57,2 faiz azalaraq, 119 milyon 779 min 92 dollara bərabər olub.
Qeyd edək ki, 2025-ci ilin yanvar-aprel aylarında Türkiyənin avtomobil ixracı ötən ilin eyni dövrü ilə müqayisədə 6,5 faiz artaraq, 12 milyard 635 milyon 489 min dollara bərabər olub.
“Bu ilin aprel ayında Türkiyə 3 milyard 145 milyon 722 min dollar məbləğində avtomobil ixrac edib ki, bu da keçən ilin mart ayı ilə müqayisədə 14,8 faiz çoxdur” – deyə nazirlikdən bildirilib.
Qeyd olunub ki, son 12 ay ərzində (aprel 2024-aprel 2025) Türkiyə 37 milyard 970 milyon 141 min dollar məbləğində avtomobil ixrac edib.
