Yevlaxda bədbəxt hadisə baş verib.
“Qafqazinfo” xəbər verir ki, traktor palçıq ərazidə batan “QAZ-24” markalı minik maşınını çəkərkən aşıb.
Hadisə nəticəsində ölən və yaralanan var. Onların kimliyi hələlik məlum deyil.
Faktla bağlı araşdırma aparılır.
***
Hadisə zamanı traktorun sürücüsü Mustafayev Firdovsi İlqar oğlu ölüb, “QAZ-24” markalı avtomobilin sürücüsü Bəkirov Nicat Səfər oğlu isə müxtəlif dərəcəli xəsarətlər alıb.
Faktla bağlı araşdırma davam etdirilir.
***
Fövqəladə Hallar Nazirliyi bədbəxt hadisə ilə bağlı məlumat yayıb.
Qeyd olunub ki, “112” qaynar telefon xəttinə Mingəçevir şəhəri ərazisində yol-nəqliyyat qəzasının baş verməsi və vətəndaşların köməksiz vəziyyətdə qalması barədə məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin yanğınsöndürən-xilasediciləri əraziyə cəlb olunub.
Hadisə yerində əməliyyat şəraiti qiymətləndirilərkən “T-140” markalı traktorun QAZ- 24 markalı minik avtomobilini yedəyə alıb sərt yamacı qalxan zaman hər iki nəqliyyat vasitəsinin aşdığı və vətəndaşların köməksiz vəziyyətdə qaldığı müəyyən olunub.
Yanğınsöndürən-xilasedicilər tərəfindən aşmış traktorun altında qalmış sürücü -1993-cü il təvəllüdlü Mustafayev Firdovsi İlqar oğlunun meyiti və traktorda olan müxtəlif dərəcəli bədən xəsarətləri almış sərnişin-1988-ci il təvəllüdlü Bəkirov Nicat Səfər oğlu aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.
Ziya Əmirxanlı
