BAKI, 24 may. TELEQRAF
Amerika Birləşmiş Ştatları Dəməşqə humanitar yardım göstərmək üçün Suriyaya qarşı sanksiyaları dayandırmaq qərarına gəlib.
Teleqraf xəbər verir ki, bu barədə ABŞ dövlət katibi Marko Rubionun ABŞ Dövlət Departamentinin saytında dərc olunmuşbəyanatında deyilir .
"Bu yumuşalmalar elektrik enerjisi, enerji, su və kanalizasiya təminatını asanlaşdıracaq və bütün Suriyada daha effektiv humanitar yardım göstərməyə imkan verəcək", - dövlət katibi bildirib.
Bir neçə saat əvvəl ABŞ Maliyyə Nazirliyi Suriyada əvvəllər bloklanmış əməliyyatların davam etdirilməsinə icazə verən lisenziya verib . Sənəddə göstərilir ki, Vaşinqton həmçinin Suriya aviaşirkətlərinə, bir sıra banklara və gəmiçilik şirkətlərinə qarşı sanksiyaları 180 gün müddətinə ləğv edib.
Mayın 13-də ABŞ prezidenti Donald Tramp Suriyaya “şans vermək” zərurətini əsas gətirərək sanksiyaları ləğv edəcəyini bildirib.
