Lənkəran rayonunda baş verən iki ayrı yol-nəqliyyat hadisəsi nəticəsində ümumilikdə 10 nəfər müxtəlif dərəcəli bədən xəsarətləri alıb. Qəzalar axşam saatlarında qeydə alınıb. Biri Gərmətük qəsəbəsində, digəri isə şəhərin Heydər Əliyev prospektində, Azriba adlanan ərazidə baş verib.
Bizim.Media xəbər verir ki, hadisəyə “Toyota RAV4”, “Lada Granada”, “VAZ-2106”, “Nissan” markalı avtomobillərlə yanaşı, sərnişin daşıyan “Mercedes” mikroavtobusu da qarışıb. Yaralılar dərhal Lənkəran Rayon Mərkəzi Xəstəxanasının təcili yardım şöbəsinə çatdırılıblar.
Xəstəxanadan verilən məlumata görə, xəsarət alanlardan 5 nəfəri eyni ailənin üzvləridir və onlar Velədi kəndində yaşayırlar:
2000-ci il təvəllüdlü Asim Cavid oğlu Nəcəfov
2004-cü il təvəllüdlü Elnaz Əli qızı Nəcəfova
2003-cü il təvəllüdlü Ağa Cavid oğlu Nəcəfov
2016-cı il təvəllüdlü Z. Nəcəfova
2024-cü il təvəllüdlü R. Nəcəfova
Digər yaralılar isə aşağıdakılardır:
1977-ci il təvəllüdlü Rahid Baladadaş oğlu Əskərov
Masallı rayonunun Həsənli kənd sakini, 2004-cü il təvəllüdlü Zeynalabdin Nahid oğlu Əliyev
Masallı rayonunun Sığıncaq kənd sakini, 2004-cü il təvəllüdlü Ramilə Ramil qızı Rüstəmova
Masallı rayonunun Sığıncaq kənd sakini, 2005-ci il təvəllüdlü Mənsurə Eldəniz qızı Zahidova
Masallı rayonunun Bədəlan kənd sakini, 1994-cü il təvəllüdlü Murad Rövşən oğlu Əzizov
Yaralıların vəziyyəti həkimlər tərəfindən orta-ağır kimi qiymətləndirilir.
Baş vermiş hadisələrlə bağlı araşdırma aparılır.
Sabutay, Bizim.Media, Cənub bürosu
