Azərbaycanın “Qarabağ”, “Zirə”, “Sabah” və “Araz-Naxçıvan” klublarının dünya reytinqindəki mövqeləri müəyyənləşib.
Arena.az xəbər verir ki, Beynəlxalq Futbol Tarixi və Statistikaları Federasiyası (İFFHS) bu gün klubların yeni dünya reytinqini açıqlayıb.
İFFHS-in cədvəlində planetin 499 ən yaxşı komandası yer alıb. Siyahıda Azərbaycanı 4 klub təmsil edib. “Qarabağ” 143,5 xalla dünyada 114-cüdür. Ağdam klubu ötən ayla müqayisədə 10 pillə irəliləyib.
94,5 xalla 233-cü olan “Zirə” 13 pillə geriləyib. 26 pillə irəliləyən “Sabah” 68,5 xalla 367-cidir. “Araz-Naxçıvan” da 38 pilləlik sıçrayışla (58,75 xal) 454-cü olub.
Dünya reytinqinə 490 xalı olan Madrid “Real”ı rəhbərlik edir. İspaniyanın digər nəhəngi “Barselona” 434 xalla ikincidir. İlk üçlüyü İtaliyanın “İnter” klubu qapayır – 390 xal.
Reytinq siyahısının ilk 20 pilləsində qərarlaşmış komandaların siyahısını təqdim edirik:
- “Real” (Madrid, İspaniya) – 490 xal
- “Barselona” (İspaniya) – 434
- “İnter” (Milan, İtaliya) – 390
- “Arsenal” (İngiltərə) – 365
- “Liverpul” (İngiltərə) – 346
- PSJ (Fransa) – 342
- “Bayern” (Almaniya) – 342
- “Borussiya” (Dortmund, Almaniya) – 333
- “Bayer” (Almaniya) – 332
- “Atalanta” (İtaliya) – 328
- “Atletiko” (Madrid, İspaniya) – 324
- “Aston Villa” (İngiltərə) – 317
- “Botafoqo” (Braziliya) – 303
- “Flamenqo” (Braziliya) – 299
- “Atletik” (Bilbao, İspaniya) – 299
- “Yuventus” (İtaliya) – 290
- “Çelsi” (İngiltərə) – 289
- “Latsio” (İtaliya) – 288
- “Mançester Siti” (İngiltərə) – 269
- “Mançester Yunayted” (İngiltərə) – 266
