Masallıda qəzada xəsarət alanların vəziyyəti ağır qiymətləndirilir.
TƏBİB-dən AZƏRTAC-ın bölgə müxbirinə bildirilib ki, mayın 9-da saat 13:30 radələrində Ələt-Astara magistral yolunun Masallı rayonundan keçən hissəsində yol-nəqliyyat hadisəsinin baş verməsi səbəbindən Masallı Rayon Mərkəzi Xəstəxanasına 3 nəfər (1-i kişi cinsli, 2-si qadın cinsli olmaqla) hospitalizasiya olunub.
Yaralılara ilkin zəruri tibbi yardım göstərilib.
Hazırda müalicələri xəstəxananın Reanimasiya şöbəsində davam etdirilir. Vəziyyətləri ağır qiymətləndirilir.
Hadisə zamanı 3 nəfərin (kişi cinsli) həkiməqədər ölüm faktı qeydə alınıb.
15.24
Masallıda baş verən ağır qəzada 2-si azyaşlı olmaqla 3 nəfər ölüb, 3 nəfər xəsarət alıb.
AZƏRTAC-ın bölgə müxbiri xəbər verir ki, bu barədə Baş Dövlət Yol Polisi İdarəsindən bildirilib.
Qeyd olunub ki, bu gün saat 13:05 radələrində yeni Ələt-Astara yolunun Masallı rayon ərazisindən keçən 122-ci kilometrində hərəkətdə olan 10-RV-404 dövlət qeydiyyat nişanlı "Toyota Prado" markalı avtomobilin sürücüsü idarəetməni itirib, nəqliyyat vasitəsi yolayrıcı metal səddə dəyərək aşıb.
Hadisə yerinə polis əməkdaşları cəlb olunub. Hazırda qəzanın baş vermə səbəbləri, ölən və xəsarət alanların sayı və şəxsiyyətinin müəyyən edilməsi istiqamətində zəruri tədbirlər görülür.
Masallıda baş verən ağır qəzada 2-si azyaşlı olmaqla 3 nəfər ölüb, 3 nəfər xəsarət alıb.
AZƏRTAC-ın bölgə müxbiri xəbər verir ki, bu barədə Baş Dövlət Yol Polisi İdarəsindən bildirilib.
Qeyd olunub ki, bu gün saat 13:05 radələrində yeni Ələt-Astara yolunun Masallı rayon ərazisindən keçən 122-ci kilometrində hərəkətdə olan 10-RV-404 dövlət qeydiyyat nişanlı "Toyota Prado" markalı avtomobilin sürücüsü idarəetməni itirib, nəqliyyat vasitəsi yolayrıcı metal səddə dəyərək aşıb.
Hadisə yerinə polis əməkdaşları cəlb olunub. Hazırda qəzanın baş vermə səbəbləri, ölən və xəsarət alanların sayı və şəxsiyyətinin müəyyən edilməsi istiqamətində zəruri tədbirlər görülür.
14:49
Masallıda ağır yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə günorta saatlarında yeni Ələt-Astara magistralının Masallı rayonunun Ləngan kəndi ərazisindən keçən hissəsində qeydə alınıb.
Belə ki, Astara istiqamətində hərəkətdə olan "Toyota Prado" markalı nəqliyyat vasitəsi idarəetməni itirərək bir neçə dəfə çevrilib.
İlkin məlumata görə, avtomobildə olan bir azyaşlı ölüb, digər sərnişinlər xəsarət alıb. Yaralılar Masallı Rayon Mərkəzi Xəstəxanasına çatdırılıblar.
Faktla bağlı araşdırma aparılır.
