Hindistan Hərbi Dəniz Qüvvələri "intiqam əməliyyatı" çərçivəsində Pakistanda çoxsaylı hədəfləri vurmağa başlayıb.
Publika.az xəbər verir ki, bu barədə NDTV-nin yaydığı məlumatda bildirilib.
Nəşrin yazdığına görə, Hindistan Hərbi Dəniz Qüvvələri "Pakistan tərəfindən Cammu və Kəşmirdə raket zərbələrinə cəhd formasında ciddi eskalasiya"dan sonra əməliyyata başlayıb.
Hindistan Birgə Müdafiə Heyətinin məlumatına görə, mayın 9-na keçən gecə Pakistan raket və dronlardan istifadə etməklə Hindistanın Cammu, Pathankot və Udhampurdakı hərbi bazalarına hücum edib.
