İtaliya Prezidenti Sercio Mattarella Roma Papası XIV Leonu təbrik edib.
Teleqraf xəbər verir ki, Sercio Mattarella Papa XIV Leoya ünvanlandığı məktubda İtaliya xalqı adından pontifikatın uzun və məhsuldar olmasını arzulayıb.
O qeyd edib ki, dünyanın çox hissəsində qeyri-insani münaqişələr davam edir və günahsız insanlar münaqişələrin ən ağır nəticələrinə məruz qalırlar: "Belə bir məqamda bütün insanlar arasında birgəyaşayış baxışını təşviq etmək üçün İtaliya Müqəddəs Taxt-Tac ilə daha da möhkəm əlaqələr qurmağa sadiq qalacaq. İtaliyalılar Tanrıdan gələn tükənməz sevgi, mərhəmət və ümid mesajı lə Papa və kilsəyə baxacaqlar".
Xatırladaq ki, ABŞ-dan olan 69 yaşlı kardinal Robert Fransisk Prevo Vatikanda keçirilən konklavın (seçki) ikinci günündə - mayın 8-də üçüncü səsvermə nəticəsində yeni - 267-ci Papa seçilib.
