Cari ilin 1 may tarixinə kimi işğaldan azad edilmiş ərazilərdə mövcud olan sənaye parklarının rezidentlərinə idxal olunan texnika, texnoloji avadanlıqlar, eləcə də xammala görə 142 təsdiqedici sənəd verilib ki, bu sənədlər əsasında müəssisələr üçün təqribən 8 milyon manata yaxın vergi və rüsumlardan azadolma tətbiq olunub.
İqtisadi Zonaların İnkişafı Agentliyindən verilən məlumata görə, işğaldan azad edilmiş ərazilərdə mövcud Ağdam və “Araz Vadisi İqtisadi Zonası” sənaye parklarında investisiya kapitalı 400 milyon manata yaxın 45 sahibkarlıq subyektinə rezidentlik, 8 sahibkara isə qeyri-rezidentlik statusu verilib.
Bu 53 sahibkarlıq subyekti tərəfindən 4000-dən artıq daimi iş yerinin yaradılması planlaşdırılır. Artıq bu sənaye parklarında görülmüş işlərə 136 milyon manatdan çox investisiya yatırılıb, 700 nəfərdən artıq daimi iş yeri yaradılıb.
