Türk Hava Yolları Dalaman, Antalya və Bodrum kurort şəhərlərindən Rusiyaya bütün uçuşları ləğv edib.Missiya.Az xəbər verir ki, bu barədə "RİA Novosti" turizm sənayesindəki mənbəyə istinadən məlumat yayıb.Bildirilib ki, şirkətin Rusiyanın bütün şəhərlərinə, o cümlədən Moskvaya uçuşları ləğv edilib.“Hazırda turoperatorlar telefonla vəziyyəti həll etməyə çalışırlar”, - mənbə bildirib.Agentliyin mənbəsi əlavə edib ki, belə bir qərar Rusiya hava limanlarında uçuşların gecikmələri və ləğvi ilə bağlı ola bilər. Antalyadan Moskva və Sankt-Peterburqa ən azı 16 reys ləğv edilib. Uçuşların təhlükəsizliyini təmin etmək üçün Rusiyanın bir sıra hava limanları mayın 6 və 7-də məhdudiyyətlər tətbiq edib. "Rosaviasiya"dan qeyd olunub ki, aviaşirkətlər cədvəli sabitləşdirmək üçün tədbirlər görür.Zərintac MayisqızıMissiya.Az
