ABŞ-DƏ FƏLƏSTİNƏ DƏSTƏK AKSİYASI KEÇİRİLİB » AzadMedia.az

ABŞ-nin nüfuzlu universitetlərindən olan Kolumbiya Universitetində Fələstinə dəstək aksiyası keçirilib.
Nyu-York polisi, Kolumbiya Universitetinin əsas kitabxanasını zəbt edən nümayişlər zamanı 70-dən çox iştirakçını həbs edib, hadisə zamanı iki təhlükəsizlik əməkdaşı xəsarət alıb.
Universitetin prezidenti Klaire Şipman etirazçıların əksəriyyətinin tələbə olmadığını bildirib və onların hərəkətlərini "ağlasığmaz" adlandırıb.

Tramp administrasiyası antisemitizm ittihamları fonunda Kolumbiya və digər universitetlərə qarşı federal maliyyəni kəsməklə hədələyir və maskalı etirazlara qadağa da daxil olmaqla yeni qaydalar tətbiq etdirib.

Nyu-Yorkun nüfuzlu Kolumbiya Universitetində gərginlik pik həddə çatdı. Çərşənbə günü Fələstin tərəfdarı etirazçılar universitetin əsas kitabxanası olan Butler Library-nin bir hissəsini ələ keçirib, "Free Palestine" şüarları ilə divarları və kitab rəflərini yazı ilə vandalizə ediblər. Hadisə zamanı iki təhlükəsizlik əməkdaşı xəsarət alıb və universitet rəhbərliyi polisə müraciət edərək NYPD-nin müdaxiləsini istəyib. Nəticədə 70-dən çox etirazçı saxlanılıb.

Universitetin yeni prezidenti Klaire Şipman, etirazçıların çoxunun tələbə olmadığını bildirib və onların davranışlarını “ağlasığmaz” adlandırıb. Sosial şəbəkələrdə yayılan görüntülərdə etirazçıların maska taxaraq universitetin protest qaydalarını pozduğu da görünür. Bu, Kolumbiyanın aprel ayından bəri NYPD-ni kampusa çağırdığı ilk hadisədir.

Bu hadisə, Tramp administrasiyasının antisemitizm ittihamları fonunda universitetlərə qarşı maliyyə təzyiqləri fonunda baş verir. ABŞ prezidenti Donald Tramp Kolumbiya Universitetinin federal maliyyələşməsini dayandırmaqla hədələyir və artıq Harvard Universitetinə ayrılan 2.2 milyard dolları ləğv edib. Etirazlar və dövlət müdaxiləsi arasında qalan universitetlərdə vəziyyət getdikcə daha da gərginləşir.
Belə hadisələrin digər universitetlərə də yayılıb-yayılmayacağı maraq doğurur.