İsrail və Türkiyə nümayəndələri cümə axşamı Bakıda Suriyadakı vəziyyəti müzakirə etmək üçün görüş keçirəcəklər.
“Cebheinfo.az” xəbər verir ki, bunu Yaxın Şərq mediası yazıb. “Görüş Azərbaycanın vasitəçiliyi ilə təşkil edilib və Suriya məsələsində İsrail və Türkiyə arasında gərginliyin azaldılmasına yönəlib”, - deyə məlumatda bildirilir.
Qeyd olunur ki, İsrail tərəfi təhlükəsizlik sahəsində diqqəti iki əsas tələbə yönəltmək niyyətindədir. Onun sərhədləri yaxınlığında düşmən silahlı birləşmələrin mövcudluğunun aradan qaldırılması, eləcə də İsrailin milli təhlükəsizliyinə təhdid yarada biləcək strateji silahların Suriyada yerləşdirilməsinin qarşısının alınması kimi mələlər İsrail üçün önəmlidir.
