Rusiya hərbçiləri Tu-95MS döyüş təyyarələrini Sibirə aparır.
Herbiand.az bildirir ki, bu barədə OSINT tədqiqatçısı MT Anderson peyk görüntülərinə istinadən məlumat verib.
“Belaya” hava bazası”. Şərqi Sibirdə yerləşən “Belaya” aviabazasında (Ukraynaya zərbələr üçün istifadə edildiyi bildirilir) Tu-95 strateji uzaqmənzilli bombardmançı təyyarələrinin sayı artmaqda davam edir”, - onun X sosial şəbəkəsində yazılıb.
Tədqiqatçı qeyd edib ki, peyk görüntülərində perronda 9 Tu-95 bombardmançısı əks olunub. Təyyarələrdən biri bu yaxınlarda oraya enib.
O, həmçinin əlavə edib ki, aviabazada başqa təyyarələr də var: “Tu-22, MiQ-31 və Su-27-nin əhəmiyyətli iştirakı qeydə alınıb. Ən azı bir Tu-160 təyyarəsi var, lakin dörd ola bilər. Həmçinin, bir neçə An-26 nəqliyyat təyyarəsi də var”.
Bəxtiyar CƏFƏRLİ
