Şanxay Əməkdaşlıq Təşkilatına (ŞƏT) üzv ölkələrin müdafiə nazirlərinin iclası bu ilin yayında Çində keçiriləcək.
Bu barədə təşkilatın baş katibi Nurlan Yermekbayev RIA Novosti-yə açıqlamasında bildirib.
"Yenidən növbəti müdafiə nazirləri iclasının bu ilin yayında Çin Xalq Respublikasında keçirilməsi planlaşdırılıb", – deyə o qeyd edib.
Bundan əvvəl ŞƏT Katibliyi vurğulanmışdı ki, təşkilat açıq və ayrı-seçkilikdən uzaq çoxşaxəli ticarət sistemini dəstəkləyir və açıq dünya iqtisadiyyatının inkişafına sadiqdir. Bəyanatda həmçinin təşkilatın, Ümumdünya Ticarət Təşkilatının (ÜTT) əsasını təşkil etdiyi çoxşaxəli ticarət sisteminin imkanlarını qorumaq və gücləndirmək əzmində olduğu qeyd edilib.
ŞƏT dövlət başçılarının sonuncu sammiti 2024-cü ilin iyul ayının əvvəlində Qazaxıstanda əyani formatda keçirilmişdi. Ondan əvvəl, 2023-cü ildə isə sammit videokonfrans formatında baş tutmuşdu.
