Əgər istismarçıdan tələb olunan məlumatlar Elektron Hökumət İnformasiya Sistemi vasitəsilə əldə edilə bilirsə, o zaman bu məlumatlar istismarçıdan tələb edilmir.
Heftelik.az-ın məlumatına görə, bu, “Mülki pilotsuz uçuş aparatlarının istismarı, qeydiyyata alınması və kateqoriyalara bölünməsi Qaydaları”nda əksini tapıb.
Məlumatların bu sistem vasitəsilə alınması, prosesi sürətləndirir və sənədlərin təqdim olunmasını asanlaşdırır. Əgər məlumatlar sistem vasitəsilə əldə edilə bilməzsə, istismarçı həmin məlumatları öz razılığı ilə müvafiq dövlət orqanlarından təmin etməli və ya bu orqanlardan sorğu ilə alınmalıdır. Həmin məlumatların təqdim edilməsi, istismarçının müvafiq dövlət orqanına müraciət etməsi ilə mümkündür. Agentlik, çatışmazlıqlar olduqda bu barədə istismarçıya məlumat verir. Əgər çatışmazlıqlar aşkar edilərsə, istismarçı bu çatışmazlıqları 5 iş günü ərzində aradan qaldırmalıdır. Çatışmazlıqlar aradan qaldırıldıqdan sonra sənədlər təkrar təqdim edilir və müraciətə yenidən baxılır. Əgər çatışmazlıqlar 5 iş günü ərzində aradan qaldırılmazsa, müraciət baxılmamış saxlanılır. Belə hallarda, müraciətə yenidən baxılmaq üçün istismarçı tərəfindən təqdim edilən sənədlər nəzərə alınır.
