"Football-plus.az" xəbər verir ki, 32 yaşlı yarımmüdafiəçi təəssüratlarını klubun mətbuat xidmətinə bölüşüb:
“Azərbaycan çempionatlarında 350 oyun keçirməyimdə zəhməti olan hər kəsə təşəkkür edirəm. Bu rəqəmə çatmaq üçün çox əziyyət çəkmişəm. Bunun üçün həm saglam xarakterə, düşüncəyə, həm də nizam-intizama sahib olmalı, fiziki durumu qorumalısan. Şükürlər olsun ki, bunları qoruyub saxlamışam. 350-də dayanmaq fikrim yoxdu. Hədəfim fiziki gücüm imkan verdiyi qədər daha çox oyun keçirməkdi. İlk oyunumdan bu günə qədər bütün görüşlərim əhəmiyyətlidi, hər birinin özünəməxsus yeri, uğuru, xatirəsi var. Dəyərini dərk edirəm. Karyeramın bundan sonrakı hissəsində də keçirəcəyim oyunlara eyni dəyəri, keyfiyyəti qatmağa çalışacağam. Azərbaycan futboluna layiq olmağa çalışmışam, bundan sonra da belə olacaq”.
