“Sabah”la oyunda Azərbaycan Premyer Liqasında 350-ci matçına çıxan “Araz-Naxçıvan”ın yarımmüdafiəçisi Qara Qarayevin təəssüratlarını bölüşüb.
Msport.az xəbə verir ki, o, bu rəqəmə çatmağında zəhməti olan hər kəsə təşəkkür edib:
“Bu rəqəmə çatmaq üçün çox əziyyət çəkmişəm. Bunun üçün həm sağlam xarakterə, düşüncəyə, həm də nizam-intizama sahib olmalı, fiziki durumu qorumalısan. Şükürlər olsun ki, bunları qoruyub saxlamışam.
350-də dayanmaq fikrim yoxdur. Hədəfim fiziki gücüm imkan verdiyi qədər daha çox oyun keçirməkdir. İlk oyunumdan bu günə qədər bütün görüşlərim əhəmiyyətlidir, hər birinin özünəməxsus yeri, uğuru, xatirəsi var. Dəyərini dərk edirəm. Karyeramın bundan sonrakı hissəsində də keçirəcəyim oyunlara eyni dəyəri, keyfiyyəti qatmağa çalışacağam. Azərbaycan futboluna layiq olmağa çalışmışam, bundan sonra da belə olacaq”.