ABŞ prezidenti Donald Tramp bildirib ki, ABŞ-a idxal edilən Çin mallarına rekord rüsumlar nə vaxtsa azalacaq: “Nə vaxtsa onları (rüsumları) aşağı salacağam, çünki əks halda onlarla iş görə bilməyəcəyik”, – Tramp deyib.
Lakin Amerika dövlətinin başçısı belə bir qərarın nə vaxt verilə biləcəyini açıqlamayıb.
Prezident izah edib ki, Çin ABŞ-la iş görmək istəyir. Onun sözlərinə görə, Çinin Amerika ilə ticarətə ehtiyacı Trampın “çox pis” adlandırdığı iqtisadiyyatının vəziyyətinə görədir.
Xatırladaq ki, ABŞ prezidenti aprelin 2-də sözün əsl mənasında bütün dünya ilə ticarət müharibəsinə başlayıb. Hazırda xarixi mallara rüsumlar 145% təşkil edir. Çinin cavab tarifləri 125%-ə çatıb.
//Samir Qurbanov, Editor.az
