Aİ 2027-ci ilə qədər Rusiya qazını tamamilə ləğv etməyi planlaşdırır
İnterpress.az xəbər verir ki, bu barədə “Bloomberg” mənbələrə istinadən məlumat yayıb.
Avropa İttifaqı 2027-ci ilin sonuna qədər Rusiya qazının, o cümlədən mayeləşdirilmiş təbii qaz idxalını qadağan etmək üçün tədbirlər hazırlayır.
Rusiyanın Aİ-nin qaz idxalındakı payı Ukraynadakı hərbi əməliyyatdan əvvəl 40%-dən 2023-cü ildə 19%-ə düşüb.
Aİ üçün əsas problem Rusiyanın mayeləşdirilmiş qazının tədarükünün artması idi ki, bu da Qazprom-dan boru kəməri tədarükünün azalmasını kompensasiya edirdi.
İyun ayında komissiya yeni ticarət və spot müqavilələrə qadağa qoyulmasını təklif edəcək, bunlar 2025-ci ilə qədər dayandırılacaq.
Bununla belə, idxalın əsas hissəsini əhatə edən uzunmüddətli müqavilələr “al və ya ödə” şərtlərinə görə çətin məsələ olaraq qalır.
Aİ ABŞ, Qətər və Afrikadan alternativ təchizat təmin edərsə, onların 2027-ci ilə qədər ləğv edilməsi planlaşdırılır.
Xuraman Etibarlı
İnterpress.az
