Prezidentin sözlərinə görə, uzun illər ərzində ABŞ-dan gələn vəsaitlər Afrika ölkələrinə göstərilən beynəlxalq yardımın dörddə birini təşkil edib və bu, 16 ölkə üçün ÜDM-in azı 1%-nə bərabər olub. Afrika Təhlükəsizlik Tədqiqatları İnstitutunun hesablamalarına görə, əgər zəngin ölkələrin yardımı 20% azalarsa, 2030-cu ilə qədər daha 19 milyon afrikalı səfalət həddində yaşamalı olacaq.
"ABŞ-ın Beynəlxalq İnkişaf Agentliyi (USAID) xətti ilə maliyyələşmənin azalması Afrika üçün sarsıdıcı zərbədir", - deyə Hiçilema bildirib. O əlavə edib ki, bu hadisə qitənin hələ də xarici yardımdan asılı olduğunu bir daha xatırlatdı.
Zambiya Prezidenti bu şəraitdə iqtisadiyyatların şaxələndirilməsinin, ölkə daxilində əlavə dəyər yaradan sahələrin inkişaf etdirilməsinin vacibliyini vurğulayıb. O bildirib ki, bir çox Afrika ölkələri hələ də kolonial dövrdə formalaşmış xammal çıxarılması modelindən asılıdır. Xüsusilə nadir torpaq metallarına malik ölkələr bu resursları təkcə çıxarmamalı, həm də emal etməli, yerli insan potensialından yararlanmalıdır.
Təklifinizi, şikayətinizi bizə yazın. Sizi dinlərik. 055 634 88 31
