Rusiyaya Azər Badamovdan başqa, hansı deputatlar gedib?

Xəbər verdiyimiz kimi, Milli Məclisin deputatı Azər Badamov Həştərxan vilayətinə səfəri çərçivəsində Rusiyanın Moskva hava limanında saxlanılıb və ölkəyə girişinə qadağa qoyulduğu bildirilib. Məsələ ilə bağlı Azərbaycan Xarici İşlər Nazirliyindən verilən açıqlamada, Azər Badamovun daxil olduğu nümayəndə heyətinin Həştərxan şəhərinə səfərinin məhz Rusiya Federasiyası Həştərxan vilayətinin vitse-qubernatoru - Hökümət sədri Denis Afanasyevin dəvəti əsasında Azərbaycan xalqının Ümummilli Lideri Heydər Əliyevin anadan olmasının 102-ci ildönümü münasibətilə keçiriləcək tədbirlərdə iştirak məqsədilə olduğu qeyd edilib.

Bakıvaxtı.az xəbər verir ki, tədbirin təşkilatçısı Abşeron Rayon İcra Hakimiyyətindən “Qafqazinfo”ya verilən məlumata görə, Azər Badamovdan başqa, Elman Nəsirov da həmin nümayəndə heyətində olub.

Həmkarından fərqli olaraq, Elman Nəsirovun Rusiyaya girişinə icazə verilib.

Deputat Azər Badamov isə məsələ ilə bağlı hələ ki heç bir açıqlama verməyib.