Belarus Respublikasının Baş naziri Aleksandr Turçin mayın 5-də Azərbaycan Respublikasına rəsmi səfərə gəlib.
News24.az xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda qonağın şərəfinə fəxri qarovul dəstəsi düzülüb.
Belarusun Baş naziri Aleksandr Turçini hava limanında Azərbaycan Respublikası Baş nazirinin müavini Samir Şərifov, xarici işlər nazirinin müavini Elnur Məmmədov və digər rəsmi şəxslər qarşılayıblar.
***
Belarus Baş naziri Aleksandr Turçin Azərbaycana rəsmi səfərə yola düşüb.
News24.az xəbər verir ki, bu barədə məlumatı “BELTA” agentliyi yayıb.
Bildirilib ki, Turçin səfər çərçivəsində Azərbaycan Prezidenti İlham Əliyev tərəfindən qəbul ediləcək, eləcə də azərbaycanlı həmkarı Əli Əsədovla görüş keçirəcək.
Bununla yanaşı, Turçinin işğaldan azad edilmiş ərazilərə səfəri də planlaşdırılır./Qafqazinfo
