Rumıniyada keçirilən prezident seçkilərində ən yaxşı nəticəni ifrat sağçı namizəd Corc Simion qazanıb. İkinci yeri Buxarestin keçmiş meri Nikusor-Daniel Dan tutur, o da ikinci tura çıxır.
Bu barədə Rumıniya Mərkəzi Seçki Komissiyası məlumat yayıb. Belə ki, Rumıniyada prezident seçkiləri ilə bağlı bülletenlərin 99,90%-i artıq emal olunub. İfrat sağçı "Rumınlar İttifaqı Uğrunda Alyans" (AUR) partiyasının namizədi Simionun nəticəsi seçicilərin həm müstəqil namizəd Dana, həm də "Milli Liberal Partiyası"ndan (PSD-PNL-UDMR) Antoneskuya verdiyi səslərin sayından iki dəfə çoxdur.
Bununla belə, Dan keçmiş prezident səlahiyyətlərini icra edən Antonesku üçün bir qədər yüksək bal toplayıb. Ümumilikdə səslərin hesablanmasının ilkin nəticələri beldir:
Djordje Simion - 40,88%, Nikuşor Dan - 20,99%, Crin Antonescu - 20,12%, Viktor Ponta - 13,08%,
Elena Laskoni - 2,68%
Qeyd edək ki, seçkilərdə namizədlərdən heç biri 50%-dən çox səs toplaya bilmədiyi üçün ikinci tur keçirilməlidir. Onun iki həftə sonra - mayın 18-də baş tutacağı planlaşdırılır. Orada sağçı siyasətçi Simion korrupsiyaya qarşı uğurlu mübarizəçi kimi şöhrət qazanmış paytaxtın keçmiş meri Dan ilə qarşılaşmalı olacaq. Əlavə edək ki, Antonesku artıq prezident seçkilərinin birinci turunda məğlub olduğunu etiraf edib.
Bu arada Antonesku pərəstişkarlarına ikinci turda kimə səs verəcəkləri ilə bağlı heç bir məsləhət verməyib.
Qeyd edək ki, bu seçkilər artıq bir neçə ay ərzində Rumıniyada prezident seçmək üçün ikinci cəhddir. Məsələ burasındadır ki, 2024-cü il noyabrın 24-də keçirilmiş və gözlənilmədən ifrat sağçı namizəd Kelin Georgescu-nun birinci yeri tutduğu əvvəlki səsvermənin nəticələri kəşfiyyat orqanlarının hesabatına istinadən ölkə Konstitusiya Məhkəməsinin qərarı ilə ləğv edilib.
Beləliklə, Rumıniya xüsusi xidmət orqanlarının məlumatına görə, Georgeskunun kampaniyasında pozuntular qeydə alınıb - söhbət TikTok-da onun populyarlığını süni şəkildə artırmaq üçün qanunsuz reklamdan və manipulyasiyadan gedir və Rusiyanın hibrid hücumlarına da diqqət yetirilib.
Əvvəllər xəbər verildiyi kimi, Georgesku fevralın sonunda həbs edilib və seçkilərin ikinci turundan kənarlaşdırılıb.
Onu da əlavə etmək yerinə düşər ki, mayın 4-də ifrat sağçı siyasətçi Corc Simion artıq prezident seçkilərində qalib gələcəyi təqdirdə Ceorgeskuya rəhbərlik vəzifəsini təmin edəcəyini bəyan etmişdi.
Əziz Mustafa, Oxuməni.az
