"Skype" rabitə platforması 5 may 2025-ci il tarixində fəaliyyətini dayandıracaq.
Publika.az xəbər verir ki, bu barədə istifadəçilərə göndərilən rəsmi bildirişdə qeyd olunub.
"Microsoft" şirkəti bildirir ki, bu addım "Skype"ın yerini daha müasir ünsiyyət və əməkdaşlıq platforması olan "Microsoft" "Teams"in tutması ilə bağlıdır. "Teams" platformasına keçid tamamilə pulsuzdur və istifadəçilərin hesab məlumatlarında dəyişiklik tələb olunmur.
“Bütün kontaktlar və söhbətlər avtomatik olaraq "Microsoft Teams"ə köçürüləcək. "Skype" istifadəçiləri yaxın günlərdə proqramda keçidlə bağlı lazımi addımları atmaq üçün bildiriş alacaqlar”, – deyə şirkətin yaydığı bülletendə bildirilir.
Bundan əlavə:
"Skype" məlumatları 2026-cı ilin yanvar ayına qədər istifadəçilər üçün əlçatan olacaq, bu müddət ərzində istənilən istifadəçi məlumatlarını özü silə və ya ixrac edə biləcək. Əgər heç bir tədbir görülməzsə, həmin tarixdən sonra məlumatlar avtomatik silinəcək.
