Ağ Ev Konqresdən "Qızıl Qübbə" raket müdafiə sistemi üçün milyardlarla dollar istəyib.
Publika.az bu barədə Ağ Evin ABŞ Konqresinə təqdim etdiyi təklif layihəsinə istinadən xəbər verir.
Sənədə əsasən, Pentaqonun büdcəsinin 13% artırılması təklif edilir.
ABŞ Müdafiə Nazirliyinin büdcəsinə edilən 113,3 milyard dollarlıq artım "Qızıl Qübbə" raketdən müdafiə sistemini "yükləmək və yerləşdirmək", ABŞ-ın kosmosdakı üstünlüyünü dəstəkləmək, F-47-ni maliyyələşdirmək, ölkəni sərhəd işğalından qorumaq, nüvə çəkindirmə sistemini modernləşdirmək və hərbi ödənişləri 3,8 faiz artırmaq üçün istifadə olunacaq.
